Fors ko‘rfazi davlatlari umumiy armiya va politsiya tashkil qilmoqchi

Fors ko‘rfazi davlatlari umumiy armiya va Interpol tamoyillari bo‘yicha terrorchilik, “pul yuvish”, giyohvand moddalar savdosi va kiberjinoyatlarga qarshi kurashuvchi umumiy politsiya tashkil qilmoqchi, deb xabar bermoqda Euronews.

Tegishli kelishuvga Qatarda bo‘lib o‘tgan Fors ko‘rfazi arab davlatlari hamkorligi kengashining navbatdagi sammitida erishilgan. Shuningdek, sammitda avval Misrning “Musulmon birodarlar” partiyasi tarafida bo‘lgan Qatar endi Qohiradagi hozirgi hukumatni qo‘llashini bildirdi.

Qayd etilishicha, bir oy oldin Dohani “Musulmon birodarlar”ga ko‘mak berayotganlikda ayblagan Saudiya Arabistoni, BAA va Bahrayn Qatardagi o‘z elchilarini chaqirib olgan. Saudiya Arabistoni ushbu partiyani terrorchilik tashkiloti deb hisoblashi aytilgan.