12-dekabr kuni Toshkentdagi Dedeman Silk Road Tashkent mehmonxonasida “Mening yurtim” (“MY5”) yangi nodavlat telekanalining taqdimoti bo‘lib o‘tadi. Bu haqda Anons.uz xabar berdi.
Taqdimot VI Ijtimoiy media-mahsulot milliy festivali g‘oliblarini taqdirlash marosimidan so‘ng o‘tkaziladi. Tadbirda festival ishtirokchilari, vazirliklar, jamoatchilik va xalqaro tashkilotlar vakillari, madaniyat va san’at arboblari, estrada yulduzlari qatnashadi.
Ayni kunlarda taqdimot roligi hamda musiqiy blokni o‘zida jamlagan texnik efir dasturlari 29-raqamli kanal orqali efirga uzatilmoqda. U Toshkent shahri hamda Toshkent viloyatini qamrab oladi. “Mening yurtim” ma’muriyati poytaxtdagi Yoshlar ijod markazida joylashgan.
Izoh (0)