Surxondaryo viloyatida avtotransport xizmati sifatini oshirish chora-tadbirlari amalga oshirilmoqda, deb xabar bermoqda O‘zbekiston avtomobil va daryo transporti agentligi axborot xizmati.
2013—2015-yillarda Surxondaryo viloyatini ijtimoiy-iqtisodiy rivojlantirish dasturining ijrosi doirasida viloyatda aholiga transport xizmati ko‘rsatishni yaxshilash bo‘yicha ishlab chiqilgan nazorat rejasiga asosan yo‘lovchi tashish faoliyati bilan shug‘ullanuvchi korxonalar uchun GM-Uzbekistan YoAJning Xorazmdagi korxonasida ishlab chiqarilgan 126 dona Damas rusumli avtotransport vositalari sotib olinishiga amaliy ko‘maklashish belgilangan edi.
Yaqinda Denov tumanidagi “Yusuf trans Denov” mas’uliyati cheklangan jamiyati tomonidan bank krediti hisobiga 20 dona Damas avtomashinalari xarid qilinib, tumanda yangi ochilgan ShYT—310 “Denov Saidota bekati — Chuqur qishloq — Denov Saidota bekati” (Denov Pedagogika kolleji orqali aylanma) hamda ShYT—311 “Denov Saidota bekati — Tibbiyot kolleji” (Zahartepa qishlog‘i orqali) shahar atrofi yo‘nalishli taksi yo‘nalishlariga chiqarildi.
Yangi yo‘nalishlar ochilishi va ularda Damas avtomashinalari qatnovi yo‘lga qo‘yilishi natijasida 20 ta yangi ish o‘rni yaratildi. Shu bilan birga, aholi, ayniqsa, qishloqlar aholisi sifatli avtotransport xizmati bilan ta’minlandi.
Izoh (0)