O‘zbekiston Prezidenti Islom Karimov 9-dekabr kuni yangi tahrirdagi “Investitsiya faoliyati to‘g‘risida”gi Qonunni imzoladi, deya xabar bermoqda “Gazeta.uz”. Qonun 29-oktabrda Oliy Majlis Qonunchilik palatasi tomonidan qabul qilingan, 13-noyabr kuni Senat tomonidan ma’qullangan edi. 10-dekabr kuni hujjat “Xalq so‘zi” va “Narodnoye slovo” gazetalarida e’lon qilindi, u shu kundan kuchga kirgan hisoblanadi.
Qonunda investitsiyalar, investitsiya loyihasi, investitsiya faoliyati subyektlari va obyektlari tushunchalariga, shuningdek investitsiyalarni amalga oshirish shakllariga aniqlik kiritilgan.
Investorning huquqlari va majburiyatlari, markazlashtirilgan va markazlashtirilmagan investitsiyalarga bag‘ishlangan moddalar kengaytirilgan. Investitsiya faoliyatini rag‘batlantirish to‘g‘risidagi yangi modda paydo bo‘lgan.
Izoh (0)