“Liverpul” va “Zenit” Yevropa Chempionlar ligasining pley-off bosqichiga chiqa olmadi

Yevropa Chempionlar ligasining dastlabki 4 ta guruhida 6-tur bahslari yakuniga yetdi. Bu haqda “Stadion.uz” xabar bermoqda.

“C” guruhida o‘z ishtirokini juda yaxshi boshlagan “Zenit” pley-offga chiqa olmadi. Aniqrog‘i, Yevropa ligasining pley-off bosqichida ishtirokini davom ettiradigan bo‘ldi. Bu guruhdan pley-offga “Monako” va “Bayer” chiqdi.

“Real” esa oltinchi o‘yinda ham g‘alaba qozonib, guruhda yuz foizli natija qayd etdi. Ushbu guruhda qatnashgan “Liverpul” bor-yo‘g‘i Yevropa ligasida qatnashadigan bo‘ldi. “Bazel” YeChLda o‘z ishtirokini davom ettiradi.

Shuningdek, “A” guruhidan “Atletiko” va “Yuventus”, “D” guruhidan “Borussiya” va “Arsenal” Yevropa Chempionlar ligasi nimchorak finalida o‘ynasa, bu guruhlarda uchinchi o‘rinni egallagan “Olimpiakos” va “Anderlext” Yevropa Ligasiga o‘tadi.

Yevropa chempionlar ligasi, 6-tur

“A” guruhi

“Olimpiakos” (Gretsiya) – “Malmyo” (Shvetsiya) 4:2 (1:0, 3:2)Gollar: 1:0 – 22 Fuster, 1:1 – 59 Kron, 2:1 – 63 Dominges, 2:2 – 81 Rozenberg, 3:2 – 87 Mitroglu, 4:2 – 90 Afellay.

“Yuventus” (Italiya) – “Atletiko” (Ispaniya) 0:0

“B” guruhi

“Liverpul” (Angliya) – “Bazel” (Shveysariya) 1:1 (0:1, 1:0)Gollar: 0:1 – 25 Fray, 1:1 – 81 Jerrard.

“Real” (Madrid, Ispaniya) – “Ludogorets” (Bolgariya) 4:0 (2:0, 2:0)Gollar: 1:0 – 20, penalti Ronaldu, 2:0 – 38 Beyl, 3:0 – 79 Arbeloa, 4:0 – 88 Medran.

“C” guruhi

“Monako” (Fransiya) – “Zenit” (Rossiya) 2:0 (0:0)Gollar: 1:0 – 63 Abdennur, 2:0 – 89 Fabino.

“Benfika” (Portugaliya) – “Bayer” (Germaniya) 0:0 (0:0)

“D” guruhi

“Galatasaroy” (Turkiya) – “Arsenal” (Angliya) 1:4 (0:3, 1:1)Gollar: 0:1 – 3 Podolski, 0:2 – 11 Remzi, 0:3 – 29 Remzi, 1:3 – 88 Sneyder, 1:4 – 90 Podolski.

“Borussiya D” (Germaniya) – “Anderlext” (Belgiya) 1:1 (0:0, 1:1)Gollar: 1:0 – 58 Immobile, 1:1 – 84 Mitrovich.