Xitoyning Xuaybey shahridagi maktablardan birida o‘tkazilayotgan basketbol o‘yini vaqtida bino devorining qulab tushishi natijasida besh nafar basketbolchi qiz halok bo‘ldi. Yana ikki nafar qizcha jiddiy jarohat bilan shifoxonaga yotqizilgan. Bu haqda Associated Press nashriga tayanib, “Kun” xabar bermoqda.
Mazkur fojia 8-dekabr kuni, maktabdagi sport zalida jismoniy tarbiya darsi o‘tilayotgan vaqtda ro‘y bergan. O‘yin vaqtida qizlardan biri shikastlanib, maydon chetiga chiqqanida boshqa ishtirokchilar uning ahvolini bilish uchun to‘plangan. Shu paytda devor qo‘qqisdan qizlarning ustiga qulagan.
Hodisa bo‘yicha shahar politsiyasi tomonidan tekshiruv ishlari boshlangan.
Izoh (0)