11-sentabrdagi teraktlardan so‘ng Markaziy razvedka boshqarmasi (MRB) agentlari so‘roq qilishning qanday usullaridan foydalanganligi to‘g‘risidagi hisobotning chop etilishi arafasida AQSh o‘zining chet eldagi vakolatxonalari xavfsizligini kuchaytirmoqda. Bu haqda Euronews xabar berdi.
Oq uy matbuot kotibi Josh Ernst so‘zlariga ko‘ra, “ma’muriyat dunyo bo‘yicha barcha vakolatxonalar xavfsizligini kafolatlash uchun muayyan chora-tadbirlarni qabul qildi”.
“Ushbu xatti-harakatimiz bilan biz mazkur hisobotdagi maxfiy bo‘lmagan ma’lumotning chop etilishini to‘liq qo‘llab-quvvatlashimizni ko‘rsatmoqdamiz”, — dedi u.
Taxmin etilishicha, hujjatda terrorchilik harakatida gumon qilinganlar va qo‘lga olingan terrorchilarga nisbatan qo‘llanilgan qiynoqlar haqida batafsil ma’lumot beriladi.
Izoh (0)