Toshkent shahar Obodonlashtirish bosh boshqarmasi huzuridagi “Obodonlashtirish obyektlarini nazorati” DUK tomonidan taqdim qilingan ma’lumotnomaga ko‘ra, joriy yilning dekabr oyi yakunigacha bir nechta ko‘chalarda yer qazish va ta’mirlash ishlari davom ettirilishi mo‘ljallanmoqda. Bu haqda Toshkent shahar hokimligi Axborot xizmati xabar berdi.
1. Yakkasaroy tumani, Glinka ko‘chasida “MVD” OKS tashkiloti tomonidan SDS va Markaz uchun qurilish maydoniga yer osti muhandislik tarmoqlarini yotqizish ishlari olib borilmoqda. Ishning muddati: 2014-yil 13-dekabr.
2. Yunusobod tumani, Sayilgoh ko‘chasida Toshkent Davlat Yuridik Universiteti hududiga SU-50 “12-Trest” tomonidan past kuchlanishli kabel tarmoqlarini yotqizish ishlari olib borilmoqda. Ishning muddati: 2014-yil 14-dekabr.
3. Mirobod tumani, Farg‘ona yo‘li ko‘chasida “Toshelektroapparat” MChJ HK tomonidan o‘rta bosimli gaz yotqizish ishlari olib borilmoqda. Ishning muddati: 2015-yil 10-yanvar.
4. Shayxontohur tumani, Zulfiyaxonim ko‘chasida “Aloqachi muhandis servis” MChJ tomonidan telefon tarmoqlarida yuzaga kelgan buzilish bartaraf etilmoqda. Ishning muddati: 2014-yil 11-dekabr.
5. Shayxontohur tumani, Qoratosh (A. Xadjayev) ko‘chasida “Star Master Grupp” MChJ tomonidan 1-ShKShga katta kuchlanishli kabel tarmoqlarini qayta yotqizish ishlari olib borilmoqda. Ishning muddati: 2015-yil 30-yanvar.
Qayd etilishicha, Toshkent shahar ko‘chalari chorrahalariga tashqi kuzatuv kameralari o‘rnatish maqsadida olib borilayotgan, shuningdek turli sabablar tufayli avariya sodir bo‘lganda amalga oshiriladigan tezkor sozlash, qazish va ta’mirlash ishlari bundan mustasno.
Toshkent shahar hokimligi harakatlanish vaqtidagi noqulayliklar uchun oldindan uzr so‘ragan.
Izoh (0)