Apple kompaniyasi keyingi yilda 4 dyuym displeyli smartfon taqdim etishi mumkin

Apple kompaniyasi joriy yilning sentabrida iPhone 6 smartfonlarini taqdim etgan edi. Ular 4,7 va 5,5 dyuym o‘lchamda bo‘lib, bundan avval taqdim etilgan istalgan Apple smartfonlaridan sezilarli darajada katta hisoblanadi.

Phonearena.com saytining Apple hamkorlari tomonidan tarqatilgan ma’lumotlarga asoslanib xabar berishicha, kompaniya keyingi yilda hozirgidan kichikroq — 4 dyuym displeyli smartfon taqdim etishi mumkin. Bu esa 2015-yilning ikkinchi yarmiga to‘g‘ri keladi.

Taxmin qilish mumkinki, Apple keyingi yilda iPhone 6s va iPhone 6s Plus smartfonlarini taqdim etishi mumkin. Bu esa xuddi iPhone 5 va iPhone 5s smartfonlari taqdim etilgani kabi bo‘ladi. Keyingi yilda Apple 4 dyuym displeyli smartfon taqdim etsa, u nisbatan quyi xususiyatlarga ega iPhone 5c smartfoni kabi bo‘lishi mumkin.

Shuningdek, “Parol” nashrida quyidagi maqolalarni ham o‘qishingiz mumkin:

• 2015-yilning birinchi yarmida taqdim etilishi kutilayotgan eng yaxshi smartfonlar yettiligi;
• Apple iPhone 6 smartfoni 2014-yilda Yahoo’dan eng ko‘p izlangan so‘zlar o‘nligidan o‘rin oldi;
• Apple iPhone smartfonlarini yerga tushib ketganda hosil bo‘ladigan yoriqlardan himoyalash uchun patent oldi.