BMT Bosh kotibi Pan Gi Mun jangarilarning Checheniston poytaxti Grozniyga hujumini qoraladi va terrorchilik harakatlarini oqlab bo‘lmasligini ta’kidladi. Bu haqda 4-dekabr, payshanba kuni bosh kotibning rasmiy vakili Stefan Dyujarrik bayonot berdi, deb yozadi “TASS”.
Dyujarrikning aytishicha, Pan Gi Mun “mudhish jinoyatlar” qurbonlari oilalariga, shuningdek Rossiya Federatsiyasi hukumati va xalqiga hamdardlik bildirdi.
Eslatib o‘tamiz, 4-dekabrga o‘tar kechasi Grozniyda jangarilar yo‘l-patrul xizmati postiga hujum qilib, uch politsiyachini o‘ldirdi. Shundan so‘ng banditlar Matbuot uyiga yashirinib oldi. Hukumat aksilterrorchilik operatsiyasi rejimini joriy qildi. Matbuot uyi vayron qilindi, jangarilarning qolgani uning yaqinidagi maktab binosida yo‘q qilindi. Rossiya Milliy aksilterrorchilik qo‘mitasi ma’lumotlariga ko‘ra, jami 10 nafar jangari yo‘q qilingan. Shuningdek, huquqni himoya qilish organlarining 10 nafar xodimi halok bo‘lgan, 28 nafari yaralangan.
Izoh (0)