Dmitriy Medvedevning Twitter’ida obunachilar soni 3 mln kishiga yetdi

Rossiya bosh vaziri Dmitriy Medvedevning Twitter’dagi mikroblogi obunachilari 3 milliontaga yetdi, deya xabar bermoqda “Rossiyskaya gazeta”.

Yangi rekord raqam haqida Rossiya hukumati rahbarining o‘zi 4-dekabrdagi xabarida ma’lum qildi.

Nashrning eslatishicha, Twitter’dagi shaxsiy akkauntini Medvedev 2010-yil noyabrida — Rossiya prezidenti lavozimini egallab turgan vaqtida ochgan. 2012-yil boshida u yerdagi obunachilar soni 1 milliontaga, o‘sha yilning sentabrida esa 2 milliontaga yetgan.

Три миллиона подписчиков - спасибо!

— Дмитрий Медведев (@MedvedevRussia) December 4, 2014

Bundan tashqari, Dmitriy Medvedevning Instagram’dagi sahifasini 750 ming kishi, “VKontakte”dagi akkauntini 1,8 million foydalanuvchi, Facebook’dagi sahifasini esa 1,3 million kishi kuzatib boradi.