Isroil bosh vaziri Benyamin Netanyahu mamlakat parlamenti − Knessetni tarqatib yuborib, muddatidan oldingi saylovlarni yaqin orada o‘tkazishga qaror qildi, deb xabar bermoqda “Vesti.ru”.
“Saylovlarni muddatidan oldin o‘tkazish − yomon, biroq hukumatda mahkamaga qarshi harakat qiluvchi vazirlarning bo‘lishi undan ham yomon”, − dedi Netanyahu. U hozirgi hukumatni ortiq davlatni boshqara olmaydi deb hisoblashini ma’lum qilgan. Knessetda o‘z-o‘zini tarqatib yuborish to‘g‘risida ovoz berish bugun, 3-dekabrdayoq o‘tkazilishi mumkin.
Netanyahu hukumatning ikki nafar a’zosini lavozimidan ozod qilishga ulgurdi. Adliya vaziri, “Xa-Tnua” partiyasi yetkachisi Sipi Livni hamda moliya vaziri, “Yesh atid” partiyasi yetakchisi Yaira Lapidaning iste’fosini bosh vazir tanqid utfayli deb izohlagan.
Netanyahuning g‘azablanishiga Isroilga yahudiy millatining davlati maqomini berish to‘g‘risidagi qonun loyihasiga ko‘rsatilgan qarshilik sabab bo‘lgan. “Likud” va “Bizning uyimiz − Isroil” partiyalari ushbu hujjatga konstitutsiyaviy qonun maqomini berishni istamoqda.
Arab tilini Isroilda davlat tili maqomidan ayiradigan ushbu qonun loyihasi Isroilning aparteid davlat (irqchilik rasmiylashtirilgan) aylanishiga olib kelishi mumkinligi aytilmoqda.
Izoh (0)