Rossiyaning Chita shahri sudi mashhur avtopoygachi Mixael Shumaxerning familiyadoshi Vladimir Shumaxerni taksiga hujum qilganlikda ayblab, yetti yilga ozodlikdan mahrum etdi, deb xabar bermoqda “Gazeta.ru”.
Shumaxerning hamtovog‘i Andrey Lebedev esa olti yilga qamalgan. Qayd etilishicha, ular 2014-yil fevral oyida taksi chaqirib, shahar tashqarisidagi Domna posyolkasiga yetganda haydovchiga hujum qilgan.
Jinoyatchilar haydovchining bo‘yniga pichoq tutgan, biroq u qochib qutulgan. Ular qurbonni tutolmay, mashinada aylanib harbiy aeroportga borib qolgan va qo‘lga tushgan. Shumaxer va Lebedev o‘z aybini tan olmagan va hukm bo‘yicha shikoyat bildirgan.
Izoh (0)