Yaqinda Andijon shahridagi xonadonlardan birida portlash yuz berdi. Bu haqda O‘zbekiston Ichki ishlar vazirligining “Postda” gazetasiga tayanib, “Kun” xabar bermoqda.
Shaharning Bo‘ston mavzesida joylashgan xonadonlardan birida maishiy gazning to‘planib qolishi natijasida portlash yuz bergan.
“Bunga oshxonadagi gaz kranining nosozligi sabab bo‘lgan. Uy bekasi buni payqamay, gugurt chaqqan”, — deyiladi IIV gazetasida.
Qayd etilishicha, ayol kuyish jarohatini olib, shifoxonaga yotqizilgan.
Ma’lumot uchun, 2014-yil boshidan beri Andijon viloyatida 796 ta yong‘in qayd etilgan bo‘lib, natijada 10 kishi halok bo‘lgan, 30 kishi turli darajada tan jarohati olgan.
Izoh (0)