Joriy yilning 27-noyabr kuni Toshkent shahrida joylashgan “Xo‘ja Alambardor” jome’ masjidida “Qorilar musobaqasi” ko‘rik-tanlovining Respublika bosqichi bo‘lib o‘tdi, deb xabar bermoqda Vazirlar Mahkamasi huzuridagi Din ishlari bo‘yicha qo‘mita.
Ko‘rik-tanlovda O‘zbekiston musulmonlari idorasi tasarrufidagi Toshkent islom instituti, o‘rta maxsus islom bilim yurtlari hamda Toshkent islom universiteti talabalari ishtirok etdi.
Ko‘rik-tanlov ikki bosqichda bo‘lib o‘tdi. Birinchi bosqichda murattab qorilar yo‘nalishi, ikkinchi bosqich mujavvid qorilar yo‘nalishi bo‘yicha o‘tkazildi. Mazkur ikki yo‘nalish bo‘yicha Toshkent islom instituti va o‘rta maxsus islom bilim yurtlaridan ayol-qizlar ham ishtirok etdilar.
Ko‘rik-tanlov g‘oliblari O‘zbekiston musulmonlari idorasi tomonidan taqdim etilgan diplom va faxriy yorliqlar hamda homiylarning qimmatbaho sovg‘alari bilan taqdirlandilar.
Izoh (0)