Rossiya Federatsiyasi prezidenti Vladimir Putin Turkiya safari oldidan Anadolu axborot agentligiga bergan intervyusida sanksiyalar xalqaro barqarorlikka tahdid solishini ma’lum qildi, deb xabar bermoqda “Segodnya.ua”.
“AQSh, Yevropa Ittifoqi, Yaponiya, Avstraliya va boshqa mamlakatlar tomonidan Rossiyaga nisbatan bir tomonlama cheklovlar joriy qilinishi legitim emas. Bunday bosim nafaqat bevosita iqtisodiy zarar keltiradi, balki xalqaro barqarorlikka ham tahdid soladi”, − dedi Putin.
Shuningdek, u xalqaro hamjamiyatni cheklovlar va tahdidlar mantig‘ini chetga surib, to‘planib qolgan muammolarning o‘zaro foydali yechimlarini izlashga chaqirdi. Putinning so‘zlariga ko‘ra, Rossiya bilan ultimatum va sanksiyalar tilida so‘zlashishga urinishlar foyda bermaydi va bunday munosabatning istiqboli yo‘q.