2013-yilda sobiq Ittifoq hududidagi davlatlarda OIV bilan kasallanishga aloqador 105 mingta yangi holatlar qayd etilgan. Bu haqda Kasalliklar nazorati va profilaktikasi bo‘yicha Yevropa markazi hamda Jahon sog‘liqni saqlash tashkiloti ma’ruzasida aytiladi, deb yozadi Interfax.
Shu tariqa OIV yuqtirganlar soni 2004-yildan buyon deyarli ikki marta o‘sdi, o‘sha yili 50 mingga yaqin bunday holat aniqlangan edi.
Jahon sog‘liqni saqlash tashkiloti ma’lumotlariga ko‘ra, OIV bilan kasallanganlar sonining oshishiga himoyalanmagan jinsiy aloqa va narkotik moddalarni qon tomiri orqali qabul qilish sabab bo‘lmoqda.
Ma’ruzada keltirilishicha, OIV yuqtirganlarning katta qismi Rossiya va Ukraina hissasiga to‘g‘ri keladi. Kasallanganlarning ko‘pchiligi 30—39 yoshlilarni tashkil etadi.
Butun dunyoda OIV bilan zararlanganlar soni 2013-yil so‘ngida 35 million kishiga teng bo‘lgan.
Izoh (0)