O‘zbekistonda BMT Taraqqiyot dasturi ekologik loyihalaroning amalga oshirilishi xorijda yuqori baholandi, deya xabar bermoqda UzDaily. Ulardan biri — “Qoraqalpog‘iston va Qizilqum cho‘lidagi tanazzulga uchragan yerlarda ekotizim barqarorligiga erishish” loyihasini amalga oshirgani uchun Irina Bekmirzayeva Energy Globe Award xalqaro jamg‘armasining faxriy yorlig‘iga ega bo‘ldi.
Ushbu loyiha amalga oshirilgan besh yil davomida qumni to‘sish bo‘yicha innovatsion texnik yechimlar ishlab chiqildi, mintaqa aholisi bilan hamkorlikda yer manbalarini yanada yaxlit holda qo‘llashning mukammalroq uslublarini qidirish ishlari olib borildi.
Olingan natijalar favqulodda muhim amaliy ahamiyat kasb etdi, ular O‘zbekistonning boshqa hududlarida va o‘xshash tabiiy iqlimga ega chet mamlakatlarda ham muvaffaqiyat bilan qo‘llanilishi mumkin.
Energy Globe Award jamg‘armasi mukofotlari ekologiya sohasida dunyodagi eng nufuzlilaridan biri hisoblanadi. Ular o‘tgan asr so‘ngidan boshlab “Yer manbalarini tejamkorlik bilan ishlatish va muqobil energiya manbalaridan foydalanish”ga qo‘shgan hissasi uchun topshiriladi.
Izoh (0)