Toshkent viloyatida 2014-yilgi poygalarning yopilish marosimi bo‘lib o‘tdi (foto)

23-noyabr kuni Toshkent viloyati Piskent tumanidagi “Janubiy” poligonida 2014-yilgi dreg-reysing musobaqasining yopilish marosimi bo‘lib o‘tdi. Bu haqda “Proavto.uz” xabar bermoqda.

Tadbirda 19 nafar avtopoygachi orasidan bu yilgi final ishtirokchilari aniqlab olindi.

Qayd etilishicha, poygalarda DR-7, DR-5, DR-3 va DR-1 klass mashinalari qatnashdi.

Tadbirni tomosha qilish uchun juda ko‘p muxlis tashrif buyurdi.

Poligonda ko‘plab avtomobillar namoyish etilgan bo‘lsa-da, ko‘pchilikning e’tiborini Opel Kadett va VAZ-2101 mashinalari tortdi.

Tadbir doirasida retro-avtomobillar ko‘rgazmasi ham tashkil etildi.