Krishtianu Ronaldu gollar miqdori bo‘yicha Yevropa Chempionlar ligasida Raulning natijasini takrorladi

“Real” hujumchisi Krishtianu Ronaldu “Bazel”ga qarshi Yevropa Chempionlar ligasi guruh bosqichi 5-tur uchrashuvining 35-daqiqasida hisobni ochdi, deb xabar bermoqda “Stadion.uz”.

Portugaliyalik futbolchi uchun ushbu gol Chempionlar ligasidagi 71-gol bo‘lib, shu tariqa u Madrid klubining sobiq yulduzi Raulning rekordini takrorladi.

Ayni paytda Chempionlar ligasi tarixidagi eng kuchli to‘purar maqomi “Barselona” yulduzi Lionel Messiga tegishli. “Apoel”ga qarshi o‘yinda argentinalik futbolchi xet-trik qayd etib, musobaqadagi umumiy gollari sonini 74 taga yetkazib qo‘ydi.