“O‘zbekiston havo yo‘llari” Yevropaga reyslar uchun yangi yil chegirmalarini joriy qildi

“O‘zbekiston havo yo‘llari” milliy aviakompaniyasi Yevropa yo‘nalishidagi reyslar uchun maxsus yangi yil tariflarini o‘rnatdi. Bu haqda kompaniya rasmiy saytida ma’lum qilingan.

Reklama aksiyasi doirasida 2014-yil 27-noyabrdan 2015-yil 31-yanvargacha bo‘lgan davrda Toshkentdan Parij, London, Milan, Rim va Frankfurt shaharlariga boradigan reyslarda ikkinchi klass chiptalarini maxsus pasaytirilgan narxlarda xarid qilish mumkin.

Shuningdek, yuqorida sanalgan shaharlardan Toshkentga “O‘zbekiston havo yo‘llari” kompaniyasi samolyotlarida uchish uchun ham chegirmalar belgilangan. Maxsus tarif bo‘yicha sotiladigan o‘rinlar soni chegaralangani ma’lum qilingan.