Bugun,

  • USD 11095.31
  • RUB 173.84
  • EUR 10772.44

Toshkentda “Competizione dell’Opera” opera ijrochilarining XIV xalqaro tanlovi boshlandi, deb xabar bermoqda O‘zbekiston Milliy axborot agentligi.

Foto: O‘zA

Foto: O‘zA

Ushbu yirik tanlov jahonning ko‘plab mamlakatlari opera xonandalariga italyan operasini ijro etish bo‘yicha o‘z qobiliyatini namoyish qilish imkonini bermoqda. Joriy yilda mazkur tanlov O‘zbekistonda ilk bor o‘tkazilmoqda. Bu mamlakatimizda san’at namoyandalari, ularning yuksak ijod cho‘qqilarini zabt etishini rag‘batlantirish uchun barcha zarur sharoit yaratilganining yana bir xalqaro e’tirofidir.

Tadbir O‘zbekiston Respublikasi Madaniyat va sport ishlari vazirligi tomonidan Avstriyadagi “Competizione dell’Opera” xalqaro tanlovi assotsiatsiyasi, “O‘zbekteatr” ijodiy-ishlab chiqarish birlashmasi, Alisher Navoiy nomidagi O‘zbekiston Davlat akademik katta teatri bilan hamkorlikda tashkil etildi. Unda tanlovning Osiyo, Yevropa, Avstraliya, Afrika va Janubiy Amerikada o‘tkazilgan saralash bosqichlarida muvaffaqiyatli qatnashgan yosh opera ijrochilari ishtirok etmoqda.

Tanlov doirasida V. Uspenskiy nomidagi Respublika ixtisoslashtirilgan musiqa akademik litseyida O‘zbekiston vakillarini eshitib ko‘rish bo‘yicha saralash bosqichi bo‘lib o‘tdi. O‘zbekiston Davlat konservatoriyasining 40 dan ziyod talaba va bitiruvchisi, Alisher Navoiy nomidagi Davlat akademik katta teatrining xonanda hamda stajyorlari XX asrgacha yaratilgan opera asarlarini italyan tilida ijro etish bo‘yicha o‘z iste’dodini namoyish qildi.

“‘Competizione dell’Opera’ tanlovi ko‘plab yosh opera ijrochilariga musiqa olamini zabt etish va dunyodagi eng nufuzli opera sahnalarida ijro etish uchun ajoyib imkoniyatdir. Shu bois ushbu saralash bosqichida ishtirok etayotganimiz katta ahamiyatga ega. Bu bosqichda men Petro Maskanining ‘Qishloq sha’ni’ operasidan ariya ijro etdim”, – dedi O‘zbekiston Davlat konservatoriyasining uchinchi kurs talabasi, “Bella voce” xalqaro talabalar tanlovi (Rossiya) sovrindori Madina Bozorova.

O‘zbekistonda opera san’ati yo‘nalishida ijod qilayotgan iqtidorli yoshlar ko‘p. Bu kuchli raqobat muhitida o‘tgan saralash bosqichida yana bir bor o‘z tasdig‘ini topdi. Yosh ijrochilarning chiqishlari nufuzli hay’at tomonidan baholandi.

“Yosh opera xonandalarimiz ushbu tanlovga puxta tayyorgarlik ko‘rdi. Da’vogarlar orasida turli xalqaro tanlovlar g‘olib va sovrindorlari ko‘p. Shu bois ularning eng yaxshilarini tanlab olish qiyin kechdi”, – dedi hay’at a’zosi, O‘zbekiston xalq artisti Avaz Rajabov.

25−27-noyabr kunlari “Turkiston” san’at saroyida “Competizione dell’Opera” opera ijrochilarining XIV xalqaro tanlovi bo‘lib o‘tadi.

 

Izoh
Asosiy yangiliklar
Mahalliy
“Guruhlarda hazil yoki kinoya qilib aytgan gaplarimni ham chiqarib yuboradigan jurnalistlar bor” — Shohrux G‘iyosov
Mahalliy
“Ko‘pchilik meni yolg‘on ma’lumot tarqatganlikda ayblaydi” — Shohrux G‘iyosov jurnalist va blogerlarning o‘ziga munosabati haqida gapirdi
Mahalliy
Qo‘shimcha talab etiladigan 37,5 ming tonna piyoz 1-aprelga qadar ichki bozorlarga kiritiladi