110 kilogramm geroinni qarzga olgan ikki nafar narkotik bilan savdo qiluvchi kishi Tojikiston poytaxti Dushanbe yaqinida o‘ldirib ketildi. Bu haqda mamlakat Milliy xavfsizlik davlat qo‘mitasiga tayanib, “RIA Novosti” xabar bermoqda.
“110 kilogrammlik yirik geroin partiyasi oldi-sotdi bitimining muvaffaqiyatsiz kechishi natijasida jinoiy guruhlar o‘rtasida nizo yuzaga keladi va ushbu narkoguruhlarning ikki nafar a’zosi halok bo‘ladi”, — deyiladi xabarda.
O‘qotar qurol bilan yetkazilgan jarohatga ega murdalar 18-noyabr kuni Rudakiy tumanidan topilgan. Ularning aholi orasida xudojo‘y kishilar sifatida taniqli bo‘lgan aka-uka Farhod va Rajabali Karimovga tegishli ekani aniqlandi. Jinoyatni uyushtirishda gumon qilinib, 53 yoshli Abdulaziz Usmonov qo‘lga olindi, u qotillik va narkotiklar noqonuniy savdosi uchun muqaddam ikki marta sudlangan, biroq ikki marta ham amnistiyaga tushgan.
So‘roq davomida u aka-ukani qarzlari uchun o‘ldirtirib yuborganini, ular 110 kilogramm geroinni olib, pulini bermay ketganini aytib berdi.
Izoh (0)