Navoiy viloyatining Tomdi tumanida aholi tashabbusi bilan yangi jome’ masjidi qurildi

Navoiy viloyati Tomdi tumani markazi — Yangi Tomdida aholi tashabbusi va homiylik yo‘li bilan jome’ masjidi qurib bitkazildi. O‘tgan haftaning juma kuni mazkur masjidning ochilish marosimi bo‘lib o‘tdi, deb xabar bermoqda “Do‘stlik bayrog‘i” gazetasi.

Marosimda ishtirok etgan­lar yangi inshootning barpo etilishi xalqimizga xos bag‘­rikenglik, saxovatpeshalik va beqiyos bunyodkorlik fazila­ti­ning ifodasi ekanligini alohida ta’kidladilar.

“Shu paytgacha hududimizda masjid yo‘q edi. Fuqarolarimizning orzu-intilishlari, ezgu niyatlari­ni o‘zida mujassam etgan bu qadamjo ma’naviyatimizni yanada yuksaltirish, yoshlar­ni milliy qadriyatlari­miz­ga hurmat ruhida tarbiyalash­ga xizmat qiladi”, — dedi “Ma­halla” xayriya jamoat fon­dining Tomdi tuman bo‘­lin­masi raisi D. Ketebayev.

Xabarda aytilishicha, yangi masjid tomdiliklar­ning O‘zbekiston Respubli­kasi Konstitutsiyasi kuniga mu­no­sib tuhfasi bo‘lgan.