2009-yilda “Oregon go‘zali” unvonini olgan 28 yoshli amerikalik Jeymi Linn Frans bir necha yil ichida tanib bo‘lmas darajada o‘zgarib ketdi, deb xabar bermoqda “Vesti.ru”. U metamfetamin nomli narkotik modda iste’moliga bog‘lanib qolgani aniqlangan.
Politsiya Fransni aksilnarkotik reyd davomida qo‘lga olgan. U narkotik moddalar savdosi bilan shug‘ullanuvchi erkak bilan uchrashib yurgan. Savdogar Frans bilan xiyonat qilib yurgan vaqtda uning 33 yoshli xotini to‘g‘ridan-to‘g‘ri o‘z uyidan narkotik sotgan. Hozir ularning uchalasi ham hibsda saqlanmoqda.
Rasmiylar Fransni 30 ming dollar, er-xotinlarni esa mos ravishda 415 ming va 195 ming dollarlik garov puli evaziga qo‘yib yuborishga tayyor. Politsiya besh yil ichida qarib qolgan qizning rasmini aholiga narkotik moddalar iste’moli qanday oqibatlarga olib kelishini ko‘rsatish uchun e’lon qilgan.
Izoh (0)