Asaka shahri hududi 2030-yilgacha kengaytiriladi

2014-yil 10-noyabr kuni O‘zbekiston Davlat arxitektura va qurilish qo‘mitasi tomonidan Asaka shahrining 2030-yilgacha bo‘lgan davrdagi bosh rejasi tasdiqlandi, deb xabar bermoqda “Turkiston-press”.

Reja bo‘yicha, Andijon viloyatidagi Asaka shahri maydoni 4633,5 gektargacha kengaytirilishi ko‘zda tutilgan. Shahar aholisi 135 ming kishigacha, uy-joy jamg‘armasi 2 million 430 ming kvadrat metrga ko‘payishi rejalashtirilgan.

Asaka shahrining ijtimoiy, muhandislik va transport infratuzilmasi rivojlantirilishi, ekologik holat yaxshilanishi ko‘zda tutilgan. Reja “O‘zshaharsozlik loyihalash ilmiy-tadqiqot instituti” DUK tomonidan ishlab chiqilgan.