Yaponiyaning Narita shahrida sambo bo‘yicha jahon chempionati yakuniga yetdi. O‘zbekiston terma jamoasining uch nafar a’zosi — Davlatjon Hamroyev (62 kg), Ayyubxon Kamolov (68 kg) hamda Sardor Shovriqov (90 kg) musobaqaning so‘nggi kunida o‘tkazilgan bahslarda bronza medaliga sazovor bo‘ldi, deb xabar bermoqda “Olamsport”.
Bir kun avval 82 kg vazn toifasida gilamga chiqqan Sanjar Ne’matov ham bronza medalini qo‘lga kiritgan edi.
Musobaqaning ilk kuni, ya’ni 21-noyabr kuni O‘zbekiston terma jamoasi a’zolaridan Shavkat Jo‘rayev (52 kg), Furqat Ro‘ziyev (74 kg) hamda Islomjon Azimov (100 kg) ham bronza medali bilan taqdirlangan edi.
Izoh (0)