22-noyabr kuni Toshkentdagi “Paxtakor” stadionida Gruziyaning “Dinamo” jamoasi Sobiq Ittifoq chempionatida ilk bor oltin medallarni qo‘lga kiritganiga 50 yil to‘lishi munosabati bilan “Paxtakor” va “Dinamo” klublari faxriylari ishtirokida o‘rtoqlik uchrashuvi bo‘lib o‘tdi. Bu haqda O‘zbekiston Futbol Federatsiyasi matbuot xizmati xabar bermoqda.
1964-yil Tbilisining “Dinamo” jamoasi Toshkentdagi “Paxtakor” stadionida o‘tkazilgan “Oltin o‘yin”da Moskvaning “Torpedo” klubini 4:1 hisobida mag‘lubiyatga uchratib o‘z tarixida ilk bor chempion bo‘lgan edi. Mazkur tarixiy g‘alabaga bu yil 50 yil to‘lishi munosabati bilan har ikkala jamoaning faxriy futbolchilari, yulduzlari o‘zaro o‘rtoqlik uchrashuvida maydonga tushdi. Toshkentdagi “Paxtakor” stadionida kechgan uchrashuv gollarga boy bo‘ldi va o‘yin jangovar — 4:4 hisobidagi durang bilan yakunlandi.
Mazkur uchrashuvda “Dinamo” safida Irakliy Zoidze, Soso Grishikashvili, Levan Kobiashvili, Archil Arveladze, Aleksandr Iashvili, Georgiy Kinkladze, Georgiy Nemsadze, Levan Skitishvili, Mixail Kavelashvili, Gocha Jamarauli, Georgiy Demetradze, Georgiy Anchabadze, David Mudjiri, Murtaz Sheliya, Nutzar Lobjanidze, Mamuka Machavariani, Soso Barkaya kabi futbolchilar maydonga tushdi.
“Paxtakor” safida esa Anvar Rashidov, Aleksey Roshin, Murod Aliyev, Baxtiyor Ashurmatov, Sergey Kovshov, Farhod Magometov, Andrey Miklyayev, Yorqin Nazarov, No‘mon Hasanov, Shuhrat Rahmonqulov, Ravshan Bozorov, Mirjalol Qosimov, Sobir Xodiyev, Gennadiy Denisov, Azamat Abduraimov, Rustam Do‘rmonov, Ja’far Irismetov, Oybek Usmonxo‘jayev, Igor Shkvirin, Shuhrat Maqsudov, Jasur Abduraimov, Muxtor Qurbonov va Baxtiyor Qambaraliyev kabi jamoaning sobiq yulduzlari maydonga tushdi.
Ta’kidlash lozim, uchrashuvda “Paxtakor” safida O‘zbekiston milliy terma jamoasi bosh murabbiyi Mirjalol Qosimov, shuningdek, milliy terma jamoada hozirgi kunda Qosimovga assistentlik qilayotgan Baxtiyor Ashurmatov maydonda harakat qildi.
O‘rtoqlik uchrashuvi (faxriylar)
“Paxtakor” (Toshkent) — “Dinamo” (Tbilisi): 4:4
Gollar: Igor Shkvirin 24, Ja’far Irismetov, Azamat Abduraimov, Rustam Do‘rmonov 54 — Mixail Kavelashvili 6, 15, Georgiy Demetradze 28, 52 penalti.
Izoh (0)