Jarohatlangan Odil Ahmedovning o‘yinga ikki haftada qaytishi kutilmoqda

O‘zbekiston milliy terma jamoasi va “Krasnodar” klubi yarim himoyachisi Odil Ahmedovning jarohati jiddiy bo‘lib chiqmadi, deb xabar bermoqda “Uff.uz”.

Xabar qilinishicha, Odil Ahmedovning oyoq mushaklari biroz zo‘riqqan. Futbolchining safga qaytishi uchun ikki hafta yetarli bo‘lishi aytilmoqda.

Eslatib o‘tamiz, yarim himoyachi “Krasnodar” — “SSKA” uchrashuvining 20-daqiqasida jarohat olib safdan chiqqan edi. “Krasnodar” bosh murabbiyi Oleg Kononov o‘yindan so‘ng o‘tkazilgan matbuot anjumanida Odil Ahmedovning jarohati jiddiy bo‘lishi mumkinligini aytib o‘tgandi.

Ammo o‘tkazilgan tibbiy ko‘rikdan so‘ng yarim himoyachining jarohati jiddiy emasligi aniqlandi.