AQSh prezidenti Barak Obama besh millionga yaqin noqonuniy muhojirlarning istiqomatini qonuniylashtirmoqchi. Bu haqda Oq uy tarqatgan xabarga tayanib, “RIA Novosti” ma’lum qildi.
Farmoyish mamlakatda besh yildan ortiq vaqt davomida yashayotgan, AQSh fuqarolari ota-onasi bo‘lgan yoki AQShda doimiy yashash uchun ruxsatnomaga ega bo‘lgan shaxslarga nisbatan amal qiladi.
Noqonuniy muhojir tegishli tekshiruvlardan o‘tib, barcha majburiy soliqlarni to‘lay boshlasa, shuningdek farzandlari ushbu farmoyish e’lon qilinguniga qadar tug‘ilganini isbotlay olsa, AQShda qolish uchun uch yillik ruxsatnomaga ega bo‘ladi.
Shu bilan birga, Obama buyrug‘ida chegaralarni qo‘riqlayotgan agentlar soni 20 ming nafarga ko‘paytirilishi nazarda tutilgan.
Izoh (0)