O‘zbekistonlik ikki atlet Toshkentda o‘tkazilayotgan Afro-Osiyo chempionatining 6 ta kumush medaliga sazovor bo‘ldi

Toshkent shahrida o‘tkazilayotgan og‘ir atletika bo‘yicha I Afro-Osiyo chempionatining dastlabki kunida O‘zbekiston sportchilaridan Manzuraxon Mamasoliyeva va Marina Sisoyeva oltita kumush medalni qo‘lga kiritdi. Bu haqda O‘zbekiston Milliy axborot agentligi xabar bermoqda.

58 kilogrammgacha bo‘lgan xotin-qizlar bahsida ishtirok etgan Marina Sisoyeva dast ko‘tarishda 87 kilogramm, siltab ko‘tarishda esa 117 kilogramm natijani qayd etdi. Ikkikurash yakuniga ko‘ra, 204 kilogrammlik marrani egallagan o‘zbekistonlik atlet yakunda uchta kumush medal sohibiga aylandi.

Manzuraxon Mamasoliyeva esa 69 kilogramm vazn toifasida dast ko‘tarish bahslarida 95 kilogramm, siltab ko‘tarishda 125 kilogramm, ikkikurash yakuniga ko‘ra, 220 kilogramm natija bilan musobaqaning ikkinchi pog‘onasidan joy oldi.

Xalqaro turnir davom etmoqda.