Microsoft kompaniyasi 50 million dona Lumia smartfonlari ishga tushirilganini e’lon qildi

Microsoft Germaniyada tadbir tashkil qildi va unda shu kungacha 50 million dona Lumia smartfonlari ishga tushirilganini e’lon qildi. Bu haqda Phonearena.com ma’lumotiga asoslanib “Parol” nashri xabar berdi.

Shu bilan birga Windows Phone operatsion tizimida dastur yaratish uchun 560 ming nafar developer faoliyat olib bormoqda. Hozirda ushbu operatsion tizimning onlayn-do‘konida 320 mingta dastur mavjud. O‘tgan yilning dekabrida ushbu ko‘rsatkich 200 mingtani tashkil etar va joriy yilning aprelida 250 mingtaga yetgan edi. 2012-yilning oktabrida esa 120 mingta Windows Phone uchun mo‘ljallangan dastur mavjud bo‘lgan.

Taqqoslash uchun, 2010-yilning martida iOS qurilmalari uchun 170 mingta, Android uchun esa 30 mingta dastur mavjud bo‘lgan va hozirda ushbu ikkala operatsion tizimning onlayn-do‘konida bir milliondan ortiq dastur mavjud.

Shuningdek, “Parol” nashrida quyidagi maqolalarni ham o‘qishingiz mumkin:

• Facebook ijtimoiy tarmog‘idan o‘zbek tilida foydalanish imkoniyati yaratildi;
• 8 metr kvadrat maydonni egallagan, deyarli barcha sharoiti mavjud kichik hajmdagi uy (foto).