Ukraina Rossiyaga neytral hududda Donbassdagi vaziyatni muhokama qilish uchun jiddiy muzokaralar o‘tkazishni taklif qildi. Bu haqda Kiyevda Norvegiya bosh vaziri bilan birgalikda bo‘lib o‘tgan matbuot anjumanida Ukraina bosh vaziri Arseniy Yatsenyuk aytib o‘tdi, deb yozadi “RBK”.

Foto: “RIA Novosti”

Foto: “RIA Novosti”

18-noyabr, seshanba kuni avvalroq Yatsenyuk mamlakat sharqidagi vaziyat bo‘yicha Jeneva formatidagi konsultatsiyalar eng maqbul deb hisoblashini ta’kidlagan edi. Bunda gap Yevropa Ittifoqi — AQSh — Rossiya formati haqida bormoqda.

Yatsenyuk fikricha, Donbassdagi nizolar yechimi birinchi navbatda Rossiya prezidenti Vladimir Putin xohishiga bog‘liq. “Agar u istasa, Ukrainadagi bu urushni to‘xtatishi mumkin”, — dedi Yatsenyuk.