Qozog‘iston prezidenti Nursulton Nazarboyev respublikaning Qirg‘izistonga Yevrosiyo iqtisodiy ittifoqiga qo‘shilishda yordam berishga tayyorligini ma’lum qildi. Bu haqda Newskaz.ru xabar berdi.
Ayni paytda Qirg‘iziston rahbari Almazbek Atambayev davlat tashrifi bilan Ostonada bo‘lib turibdi.
Nazarboyevning aytishicha, ular ikki tomonlama masalalarni muhokama qilgan. “Men Almazbek Sharshenovichni Qirg‘izistonni uning Bojxona ittifoqiga qo‘shilishida ko‘mak ko‘rsatishimizga ishontirdim. Qozog‘iston zarur bo‘lgan texnik, konstitutsion va boshqa yordamlarni taqdim etishga tayyor”, — dedi u.
Qozog‘iston prezidenti Qozog‘iston-Qirg‘iziston to‘g‘ridan-to‘g‘ri investitsiyalar fondini ishga tushirish bo‘yicha ishlar amalga oshirilayotganini qo‘shimcha qildi.
Izoh (0)