NATO bosh kotibi Afg‘onistonga e’lon qilinmagan tashrif bilan keldi

NATO bosh kotibi Yens Stoltenberg Afg‘onistonga ushbu mamlakatdan alyans qo‘shinlarini chiqarib ketish arafasida tashrif buyurdi. Bu haqda “RIA Novosti” xabar bermoqda.

Bu Stoltenberg 1-oktabr kuni NATO bosh kotibi lavozimida ishlashni boshlaganidan buyon Afg‘onistonga birinchi tashrifidir.

O‘z tashrifi chog‘ida u Qobul g‘arbidagi afg‘on harbiylarini tayyorlash uchun mo‘ljallangan NATO mashg‘ulot markazini borib ko‘rdi. Shuningdek afg‘on qo‘shinlari oldida nutq so‘zlab, NATO murabbiylari va maslahatchilari ushbu mamlakatda alyans kuchlari o‘z operatsiyalarini yakunlaganidan keyin ham ularga yordam berishda davom etishini va’da qildi.