LG kompaniyasi mobil qurilmalar uchun mo‘ljallangan NUCLUN protsessori va ushbu protsessor o‘rnatilgan G3 Screen smartfonini taqdim etdi. Bu haqda Phonearena.com ma’lumotiga asoslanib “Parol” nashri xabar berdi.
NUCLUN protsessori 1,5 GGs chastotali to‘rtta va 1,2 GGs chastotali to‘rtta — jami sakkiz yadrodan tashkil topgan. Shuningdek, LG kompaniyasi NUCLUN protsessori o‘rnatilgan G3 Screen smartfonini ham e’lon qildi.
Ushbu smartfonda 5,9 dyuym 1080×1920 pikselli displey, 2,1 megapikselli old va 13 megapikselli orqa kamera (OIS+ bilan), 2 Gb tezkor va 32 Gb ichki xotira (+MicroSD), 3000 mA·soat quvvatga ega batareya va Android 4.4 KitKat operatsion tizimi o‘rnatilgan.
Uning o‘lchamlari 157,8×81,8×9,5 millimetrni, og‘irligi esa 182 grammni tashkil etadi. LG G3 Screen smartfoni taxminan 750 dollardan sotilishi kutilmoqda.
26-oktabr holatiga ko‘ra O‘zbekistonda sotilayotgan eng arzon va eng qimmat LG smartfonlarining narxlari bilan “Parol” nashrida tanishishingiz mumkin.
Izoh (0)