Toshkent shahridagi “Fleshka” savdo majmuasida yangi Samsung Galaxy Core 2 smartfoni 520 000 so‘mdan sotila boshlandi. Bu haqda “Parol” nashri xabar berdi.
Ushbu smartfonda 4,5 dyuym 480×800 pikselli displey, 1,2 gigagers chastotaga ega to‘rt yadroli protsessor, 768 Mb tezkor va 4 Gb ichki xotira, VGA old va 5 megapikselli orqa kamera, 2000 mA·soat sig‘imidagi akkumulyator, Wi-Fi, Bluetooth 4.0, FM-radio va Android 4.4.2 KitKat operatsion tizimi o‘rnatilgan.
Samsung Galaxy Core 2 smartfoni 2014-yilning iyul oyida taqdim etilgan. Uning o‘lchamlari 130,3×68×9,8 millimetrni, og‘irligi esa 138 grammni tashkil etadi. U ikki SIM-kartada ishlay oladi.
Shuningdek, Samsung kompaniyasi yaqindagina ushbu lineykada ikki SIM-kartali Galaxy Core Max smartfonini ham taqdim etgan edi.
Izoh (0)