13—17-oktabr kunlari O‘zbekiston Respublikasi Parvozlar xavfsizligini nazorat qilish davlat inspeksiyasi aviatsiya hodisalari va favqulodda hodisalar bo‘yicha tergovchilarni tayyorlash kurslarini o‘tkazdi. Bu haqda inspeksiya matbuot xizmati xabar bermoqda. Kurslar Davavianazorat asosiy tadbirlar va aviatsiya hodisalari profilaktikasi, analizi, hisobi va tergov qilish bo‘limining 2014-yilgi Rejasiga asosan tashkil qilindi.
Ushbu kurslarning maqsadi fuqaro aviatsiyasi uchuvchi mutaxassislari, muhandis-texniklaridan, parvoz harakatini boshqarish, O‘zbekiston Respublikasi barcha aviakompaniyalariga parvozlarni ta’minlash, atrofdagi aeroportlarda parvoz xavfsizligini ta’minlash bo‘yicha inspektorlardan tergovchilarni tayyorlashdir.
O‘quv jarayonida tinglovchilar tergov maqsadi va vazifalari, mavjud huquqiy baza, tergov olib borish va tashkillashtirishning amaldagi tizimi, tergov bo‘yicha komissiyaning ishlash tartibi, aviatsiya hodisalarini tasniflash, tergovda qo‘llaniladigan zamonaviy uslublar, tergov olib borish va tashkillashtirish bo‘yicha amaliy malakalar, tergov materiallarini rasmiylashtirish bo‘yicha yetarli nazariy bilimlar olishdi.
Kurs jarayonida olingan bilimlarni tekshirish natijasida tinglovchilar aviatsiya hodisalari va favqulodda hodisalarni tergov qilishda ishtirok etish huquqini beruvchi Sertifikat bilan taqdirlanishdi.
Izoh (0)