O‘zbekiston Osiyo infratuzilmaviy investitsiyalar banki (OIIB) ta’sischilaridan biriga aylandi, deya xabar bermoqda UzDaily. Uning ustav kapitali 100 milliard dollarga teng bo‘lishi prognoz qilinmoqda.
24-oktabr kuni Xitoyning Pekin shahrida OIIBni tuzish bo‘yicha o‘zaro hamjihatlik haqidagi memorandumni imzolash marosimi bo‘lib o‘tdi.
Memorandumni Hindiston, Singapur, Vyetnam, Filippin, Mongoliya, Bangladesh, Bruney, Kamboja, Qozog‘iston, Xitoy, Quvayt, Laos, Malayziya, Myanma, Nepal, Ummon, Pokiston, Qatar, Shri-Lanka, Tailand va O‘zbekiston imzoladi.
Yangi moliyaviy muassasaning asosiy maqsadi Osiyo mamlakatlarida infratuzilmaviy loyihalarni amalga oshirishdan iborat bo‘ladi. Moliyalashtirishning asosiy yo‘nalishlari energetika, transport, logistika, shahar va qishloq infratuzilmasi bo‘ladi.
OIIBning bosh qarorgohi Pekinda joylashadi. Uning boshlang‘ich kapitali 50 milliard dollar bo‘lsa, kelajakda 100 milliard dollargacha ko‘paytiriladi. Bank rasman 2015-yil oxirida ishga tushadi.
Izoh (0)