Moskvaning “Vnukovo” aeroportida halokatga uchragan Falcon samolyotidagi “qora quti”lardan ma’lumotlar muvaffaqiyatli ravishda qo‘lga kiritildi, deya xabar bermoqda Interfax Xalqaro aviatsiya qo‘mitasiga (XAQ) tayanib.
Samolyotga zamonaviy va yaxshi himoyalangan o‘ziyozarlar o‘rnatilgani ushbu ishlarni tezkorlik bilan amalga oshirish imkonini berdi. Ma’lumotlar XAQ ilmiy-texnik markazida Fransiyaning aviatransportda xavfsizlik qidiruvi va tahlili byurosi mutaxassislari bilan hamkorlikda qo‘lga kiritildi.
Tekshiruv ishlari doirasida mutaxassislar aeroportdagi videokuzatuv kameralari yozuvlarini ham o‘rganib chiqmoqda. XAQ olib borayotgan qidiruvlardan maqsad aybdorni topish emas, balki xolis tafsilotlarga ega bo‘lishdir.
Avvalroq, Total prezidenti Kristof de Marjeri va uch ekipaj a’zosi o‘rin olgan yengil dvigatelli samolyot “Vnukovo” aeroportida qor tozalovchi mashina bilan to‘qnashib ketishi oqibatida samolyotdagi barcha kishilar halok bo‘lgani, hech qanday zarar ko‘rmagan qor tozalovchi mashina haydovchisi esa mast holatda bo‘lgani aniqlangani hamda u ikki sutkaga hibsga olingani xabar berilgan edi. Haydovchining advokati esa gumondor surunkali yurak xastaligi bilan og‘rigani tufayli umuman spirtli ichimliklar iste’mol qilmasligini ma’lum qilgan edi.
Izoh (0)