Kanada parlamenti yaqinida yaralangan askar vafot etdi, deya xabar bermoqda Gazeta.ru. U Gamilton port shahridan zahiradagi harbiy xizmatchi bo‘lgan.
Avvalroq yana ikki kishi otishmalar chog‘ida jarohat olgani xabar berilgan edi.
Ottava markazida 22-oktabr, chorshanba kuni otishmalar uyushtirildi. Hodisalar Birinchi jahon urushida halok bo‘lgan kanadaliklarga bag‘ishlangan me’moriy yodgorlik yonida hamda parlament tepaligida sodir bo‘lgan.
Maxsus operatsiyalar davomida bir nafar gumonlanuvchi otib tashlandi. Ma’lumotlarga ko‘ra, u Kanadaning islom dinini qabul qilgan fuqarosi Maykl Zehaf-Bibo bo‘lgan. Ayni paytda maxsus operatsiya davom etmoqda.
Eslatib o‘tamiz, ushbu hodisadan bir kun avval Kanada ichki terrorchilik tahdidi past darajadan o‘rta darajaga chiqqanini e’lon qilgan edi.
Izoh (0)