22-oktabr kuni Toshkent shahridagi Sirg‘ali avtomobil bozori yaqinida O‘zbekistondagi retro avtomobillar ko‘rgazmasi tashkil etildi. Ko‘rgazmada taxminan 1937-yildan 1970-yilgacha bo‘lgan vaqt oralig‘ida ishlab chiqarilgan avtomobillar namoyish etildi.
Retro avtomobillar orasida “Volga”, “Pobeda”, “Jiguli”, “Moskvich” kabi avtomobillar qatorida Standard va Buick kabi Angliya hamda Amerikada ishlab chiqarilgan avtomobillar ham mavjud edi.
Ko‘rgazma “UZ avtomobilchilar klubi” tomonidan tashkil etilgan bo‘lib, uning a’zolari texnika, xususan avtomobilga oid yuqori bilimga ega kishilar hisoblanadi. Ko‘rgazmani tashkil etishdan maqsad esa O‘zbekistondagi avtomobil tarixi bilan yoshlarni tanishtirish, ularda avtomobil sanoati va muhandislik ishlariga qiziqish uyg‘otish, deyiladi ko‘rgazma press-relizida.
Shuningdek, retro avtomobil egalarining bir joyda to‘planishi ular o‘rtasida o‘zaro maslahatlashish va bir necha yillik tarixga ega avtomobillarni qanday ta’mirlash mumkinligi hamda zarur ehtiyot qismlarini topishda yordam beradi.
Ko‘rgazma ajoyib tarzda tashkilashtirilgan va unga qiziquvchilar soni ham ko‘p bo‘ldi. “UZ avtomobilchilar klubi” esa bunday ko‘rgazmalarni tez-tez tashkillashtirib turish istagida.
Izoh (0)