O‘zbekistonda 2016-yildan boshlab ko‘p qavatli uylarni issiqlik bilan ta’minlashning yopiq tizimiga bosqichma-bosqich o‘tish rejalashtirilmoqda. Bu haqda UzDaily xabar berdi.
“Adolat” sotsial-demokratik partiyasi 21-oktabr kuni ushbu masalani Oliy Majlis Qonunchilik palatasidagi fraksiyasida muhokama qilgan. Qonunchilik palatasi saytida yozilishicha, modernizatsiya dasturi 2015-yil davomida ishlab chiqiladi.
Fraksiya majlisida aytilishicha, ko‘p qavatli uylarni issiqlik bilan ta’minlashning yopiq tizimiga o‘tish har bir binoning yerto‘lasida joylashgan isitish uskunasiga iliq suv yetkazib berishni ko‘zda tutadi. Ushbu islohot issiqlikdan foydalanish xalqaro me’yorlar va standart talablarga asosan amalga oshirilishi, tabiiy gaz va elektr energiyasidan sanoatda foydalanishni kamaytirishni maqsad qilgan.
Izoh (0)