Checheniston rahbari Ramzan Qodirov Butunjahon boks assotsiatsiyasi (WBA) versiyasi bo‘yicha o‘ta og‘ir vaznda doimiy jahon chempioni Ruslan Chagayevni tug‘ilgan kuni bilan tabrikladi. U o‘z qutlovini Facebook’dagi sahifasi orqali izhor etdi.
“Ruslan uchun amalga oshirib bo‘lmaydigan vazifalar, zabt etib bo‘lmaydigan cho‘qqilar yo‘q, u chin musulmon, haqiqiy bokschidir”, — deb yozadi Qodirov.
U Ahmad Hoji Qodirov nomidagi mintaqaviy jamoat fondi Chagayevni bundan keyin ham qo‘llab-quvvatlashda davom etishini ta’kidlagan.
Ramzan Qodirov bokschiga mustahkam sog‘lik va yangi zafarlar tilab qolgan.
Izoh (0)