Poytaxtda joriy qilinayotgan yo‘l harakati xavfsizligini boshqarish tizimining “bosh miyasi” Toshkentdagi Glinka ko‘chasidagi Yo‘l harakati xavfsizligi shahar boshqarmasining sobiq binosida joylashadi, deya xabar bermoqda RedPen. U yerga barcha axborotni qayta ishlashga qodir bo‘lgan kompyuterlar o‘rnatiladi.
Dispetcherlik markazida kameralar va patrul xizmatini bog‘lab turuvchi, maxsus o‘qitilgan mutaxassislar faoliyat ko‘rsatadi. Kompyuterlardagi ma’lumotlar uzoq vaqt davomida saqlanadi (ular bora-bora arxivlanadi).
Toshkentda tizimdagi muhim bo‘g‘inlardan yana biri — patrul mashinalari soni ko‘payadi. Ular zamonaviy kompyuter, kamera, rangli displeyga ega ratsiya va boshqa yangi texnikalar bilan jihozlanadi.
Izoh (0)