Toshkent hayvonot bog‘idagi oq Bennet kengurulari oilasida ko‘payish bo‘ldi, deya xabar bermoqda muassasa rasmiy sayti.
Ma’lum bo‘lishicha, Bennet kengurulari Toshkent hayvonot bog‘ida 20 yildan buyon yashab, ko‘payib kelmoqda. Shu yillar davomida inbriding (yaqin qarindoshlar chatishishi) oldini olish maqsadida Latviya va Chexiya zooparklaridan bir necha marta yangi turlar keltirildi.
Albinoslar aynan Chexiyadan olib kelingan. Ayni paytda poytaxt hayvonot bog‘ida to‘rtta katta kenguru yashaydi, ularning biri kulrang, qolganlari oppoq rangda. Yangi tug‘ilgan kenguru ham oq tusdadir.
Izoh (0)