Mudofaa vazirligi Ma’naviyat va ma’rifat markazida O‘qituvchi va murabbiylar kuniga bag‘ishlangan tadbir bo‘lib o‘tdi

Kuni kecha Mudofaa vazirligi Ma’naviyat va ma’rifat markazida O‘qituvchi va murabbiylar kuniga bag‘ishlangan tadbir bo‘lib o‘tdi. Tadbir har galgidan boshqacharoq tarzda boshlandi: bayram dasturidan avval markazdagi to‘garaklar faoliyatini ko‘rsatuvchi “Qiziqishlar ko‘rgazmasi” o‘tkazildi.

Bayram dasturida markaz rahbari, podpolkovnik D. Sh. Ablayev so‘zga chiqib, shu dargohda faoliyat yuritayotgan to‘garak rahbarlari, murabbiylarni bayram bilan qutladi va ularga o‘z minnatdorchiligini izhor etdi. Shuningdek, u Ma’naviyat va ma’rifat markazining har tomonlama yuksalishida ularning alohida o‘rni va hissasi borligini ta’kidladi va murabbiylarga ulkan zafarlar tiladi.

Shundan so‘ng, tadbirning badiiy qismi boshlandi. Unda Mudofaa vazirligi Markaziy ashula va raqs ansambli xonanda va raqqosalari, markazda faoliyat yuritayotgan “Aviva”, “Jemchujina”, raqs dastalari, “Kalinushka” slavyan qo‘shiqlari ansambli, shuningdek, “Kimgan” koreys raqs dastasi o‘z chiqishlari bilan yig‘ilganlarni xushnud etdi.

Bayram tadbiri qiziqarli va ko‘tarinki kayfiyatda o‘tdi.