Ebola bezgagini davolash uchun Yaponiyaning Toyama Chemical Co. kompaniyasi tomonidan ishlab chiqarilgan dori katta ehtimol bilan samara berishi mukin, deb xabar bermoqda “TASS”.
Avigan preparatining sinovi Liberiyadagi epidemiya hududida virus yuqtirib olib, davolanish uchun tezda vataniga qaytarilgan fransuz hamshirasida o‘tkazilgan. Hozirda u Parij yaqinidagi Sen-Mandre harbiy kasalxonasida bo‘lib turibdi.
Favipiravir degan yana bir nomga ega avigan 1998-yilda ishlab chiqilgan bo‘lib, viruslarning ko‘payishiga qarshi kurashda samarali vosita sifatida tanilgan. Preparat grippga qarshi dori sifatida rasman ro‘yxatdan o‘tkazilgan. Shuningdek, labarotoriya kalamushlarida qilingan sinovlarda Ebola virusiga qarshi ham samara bergan.
Izoh (0)