Yevropa ittifoqi va O‘zbekiston xorijiy investitsiyalar va savdo bo‘yicha Kengash tuzadi. Bu haqda YeIning O‘zbekistondagi elchisi Yuriy Shterkka tayanib “RIA Novosti” xabar bermoqda.
“O‘zbekiston tomoni bilan YeI-O‘zbekiston savdo va investitsiyalar bo‘yicha kengashni shakllantirish bo‘yicha muzokaralar olib borilmoqda. Unda O‘zbekiston bozorida ishlab kelayotgan yoki u yerga kirishni rejalashtirayotgan Yevropa kompaniyalari ishtirok etadi”, — dedi Shterk O‘zbekistonga tashrif buyurgan Belgiya ishbilarmon doiralari vakillari qarshisida nutq so‘zlar ekan.
Bunday kengashning tuzilishi O‘zbekiston va YeIning savdo-iqtisodiy, investitsion va moliyaviy-texnik sohalardagi o‘zaro manfaatli hamkorligini kengaytirish imkonini beradi.
Elchining aytishicha, xorijiy valyutaning to‘liq konvertatsiyasini joriy qilish va ish jarayonlarini soddalashtirish O‘zbekistonga xorijiy investitsiyalarni jalb etishda eng samarali qadamlar hisoblanadi.