Hozirgina Janubiy Koreyaning Incheon shahrida davom etayotgan 17-Osiyo o‘yinlarining erkin kurash musobaqasi 74 kilogramm vazn toifasidagi final bahsi yakunlandi. Unda O‘zbekiston sharafini himoya qilgan Rashid Qurbonov oltin medal uchun bahsda eronlik Izzatullo Akbarizarinkolai bilan hisob-kitob qildi, deb xabar bermoqda “Olamsport”.
Bu yerda tajriba baribir o‘z so‘zini aytdi. Raqibidan besh yoshga kattaroq bo‘lgan Qurbonov 3:1 hisobida zafar quchib, O‘zbekiston terma jamoasiga beshinchi oltin medalni taqdim etdi.
Eslatib o‘tamiz, Rashid Qurbonov finalgacha bo‘lgan yo‘lda hindistonlik Yadav Panchamni 3:1, turkmanistonlik Ramazan Qambarovni 4:0, yaponiyalik kurashchi Daysuke Shimadani 3:1 hisobida mag‘lub etgan edi.
Izoh (0)